لو عرفت الحل خليه فى سرك !!

من طرف **_MaFia_** الإثنين ديسمبر 06, 2010 3:25 am

بسم الله الرحمن الرحيم
*******************

إستدعى الأب إبنه لغرفته و ما إن رآه أمامه إلا وبادر بتوجيه
هذا السؤال
الأب : هتعرف يابنى تحافظ على الثروة اللى حتورثها من بعدى

الإبن : طبعا ياابا تربيتك

الأب : يعنى هتعرف تربى الكتاكيت زى ما أنا ربيتهم

الإبن : ( بإندفاع وحماسه الشباب ) أكيد ياابا

الاب : طيب هات الكرتونه اللى فيها الكتاكيت دى
سارع الإبن بإحضار الكرتونة ووقف أمام أبيه

الأب : إقلب الكرتونة على الأرض وورينى إزاى هتقدر تلم فيها الكتاكيت
وبسرعه قلب الإبن الكرتونة وما ان رفعها حتى إنطلقت الكتاكيت
فى ارجاء الغرفه واندفع الابن خلفها يحاول جمعها مره اخرى لكن
هيهات ، وبعد ان ادرك الفشل وقف امام ابيه وقد ارتسمت على وجهه البلاهه والغباء ولم يوقظه الا صفعه قويه من ابيه

الاب : شوف يا غبى اللى حوريهولك ده خلاصة خبرة تمانية وعشرين سنة فى تربية الكتاكيت * يعنى من سنة واحد وثمانين

ثم اخذ الاب الكرتونه بعد ان جمعا فيها الكتاكيت اخذ يهزها بقوه
يمينا ويسارا وسط صراخ متواصل من الكتاكيت ما لبس ان تلاشى وانقطع نتيجه ما اصابها من اعياء

الاب : الان فقط نقلب الكرتونه
وما ان رفعها الا وشاهد الابن الكتاكيت لا تحرك ساكنا مما
اصابها من اعياء ودوار ثم قام بتعبئتها فى الكرتونه بمنتهى
السهوله واليسر

الاب : دلوقتى يا ابنى اتعلمت اهم حاجه فى تربيه الكتاكيت وهى
( اتعبهم يريحوك * دوخهم يريحوك اكتر لكن لو ريحتهم هيتعبوك )

لو عرفت

مين هو الاب

ومين هو الابن

ومين هما الكتاكيت ؟
ما تقولش على الحل وخليه فى سرك