الطويلة تقضى حاجتها و القصيرة تنده جارتها

من طرف **_MaFia_** الأربعاء ديسمبر 22, 2010 1:08 pm

شوية امثال شعبى حلوين
أنا وحشة و أعجب نفسى و أشوف الحلوين تقرف نفسى
اوع تماشى الردى مشى الردى بطال
أول سبوع يا عروسة خوخة و تفاحة و تانى أسبوع يا عروسة على المحكمة راحة
اصعب من رمى الحجر من تحت لفوق ظريف المعاني يعاشر قليل الذوق
اللى تتجوز يوم الأربع على بيت أبوها ترجع
اللى تجوز يوم الجمعة ما ينشفلهاش دمعة
بنى آدم فيه طبع و الطبع فيه غالب ديل الكلب ما ينعدل لو علقت فيه قالب
جعران عشق خنفسه و خلع لها توبه و بنى لها قصر و شال لها طوبه ما يوافق الزبون الزفت إلا محبوبه
جوزوا حميدة لعبد الحميد و ليهم على الخد كراته و نقطوهم بقشر الفسيخ من مجرم لشحاته
جيت أبيع الحنة كترت الأحزان و رحت أعمل مسحراتى قالوا راح رمضان
جيت أغير البخت ما تغير اتارى قليل البخت متحير
حبنى و خد لك زعبوط قال : هى المحبة بالنبوت
الحلو حلو و لو قام من النوم و الوحش وحش و لو غسل وشه كل يوم
خايف أقول يانى و العدو جنبى ، خايف أقول يانى يقول خلص ذنبى
خد الحلو و اقعد قباله و ان جعت شاهد جماله
خدتك سلف من العوز يا سنبلة روحى خدتك اكيد العوازل كدت انا روحى
خلفتهم لما حفى ديلى و ربيتهم للغير يا ويلى
الدلع فى الكبير زى الزغزغة فى الحمير
راحت رجال العز و الهيبة و قعدت رجال ما تختشى العيبة
زى خلفة الناموس البنت خايبة و الولد متعوس
ست لئيمة و أنا الأم منها تعد اللحمة و أنا انقص منها
سكتنا له دخل بحماره حتى البردعة شلناها له
شحات و طماع و طالب طلب عالى يدوا له كحكة يقول دى عوجة غيروها لى
ضربت كف على كف ما عملتش للدهر حيلة ، أم الفلافل تقضى بفلوس قليلة
طلب الغنى شقفة كسر الفقير زيره جته داهية الفقير على قلة تدبيره
الطويلة تقضى حاجتها و القصيرة تنده جارتها
قالوا : حماتك تحبك قلت : دا كان زمان و بنتها عندها يا ما شيعت نسوان لما جرى اللى جرى و المقدر كان صبحوا يقولوا عليه دا حرامى و بيسرق الكتان
من باعك بيعه و ارتاح من قهره و ان كنت عطشان ما تورد على نهره
هات الجره و احلب الضره الشرش جوه و القشطة بره
يا فرخة يا قطاطية اللى فيكى هاتيه فيه
يارب ينال اعجاب حضراتكم